മുസ്ല്യാര്‍ ഇന്ന് തുറക്കാനുണ്ടേ

പത്തിരി ചുട്ടു ഇറച്ചി വരട്ടി,
ഒത്തിരി കോഴിക്കറിയിലുരുട്ടി,
വെട്ടി വിഴുങ്ങാന്‍ പാകമാതാക്കി,
മട്ടന്‍ കുറുമാ, കുട്ടന്‍ കുറുമാ
കാട പൊരിച്ചത്, കോഴിപൊരിച്ചത്
ആട് പൊരിച്ചതതെല്ലാം കൂട്ടി,
മുട്ടപ്പത്തിരി, ചട്ടിപ്പത്തിരി,
ഉന്നക്കായ, സമൂസ്സാ, കട്ട്ലറ്റ്,
പിന്നെയതിന്നായ് സോസുമൊരുക്കി
പലവക നാടന്‍ വിഭവമൊരുക്കി
പലവക ഫ്രൂട്ടുകളെല്ലാം വാങ്ങി
തൊലി നീക്കീട്ടവ പ്ലേറ്റില്‍ വച്ച്,
തരിയും ചായയുമൊക്കെയൊരുക്കി
തരിയും മടികൂടാതെടി കണ്ണേ
പിരിശത്തോടെയിരിക്കെടി പെണ്ണേ,
മുമ്പേ ഞാനിത് ചൊന്നീടുന്നു,
മുസ്ല്യാരിന്നു തുറക്കാനുണ്ടേ.