താങ്ക്സിന്നു പകരമായ് തേങ്ങ നല്‍കൂ,
തേങ്ങയ്ക്ക് പകരമായ് കൊപ്രയാവാം.
കൊപ്രയ്ക്ക് പകരമായ് എണ്ണയാവാം
കാശു തന്നാലും അത് സ്വീകരിക്കാം,
കന്നാസും കാശുമായ് മില്ലില്‍ ചെന്നാല്‍
കന്നാസ്സില്‍ എണ്ണ നിറച്ചു നല്‍കും.
എണ്ണയും കൊണ്ടങ്ങു വീട്ടില്‍ചെന്നാല്‍
പെണ്ണിന്നു സന്തോഷമേറെയാവും.
സന്തോഷം മൂത്ത് പെരുത്തു പോയാല്‍
സാമ്പാറും ചോറും റെഡിയാക്കി നല്‍കും
സാമ്പാറും ചോറും അകത്തു ചെന്നാല്‍
സായിപ്പിന് പിന്നീടുറക്കമാവും.
ഉറക്കത്തിലായാലും കവിത വിരിയും
ഉണരുന്ന നേരത്തത് കേട്ടിരിക്കാം.
കേട്ടിരിക്കാനേറെ ഇമ്പമായാല്‍
കാശു നല്‍കേണം അതിന്നു വേറെ.
എത്രയായാലും മണി പോരയെന്നു
സൂത്രത്തില്‍ ഞാനങ്ങ് ചൊന്നതാണേ.
ഗാത്രം നന്നാക്കുവാനല്ലെ കുട്ടാ?
പുഷ്ടിയായ് ഗാത്രം വളര്‍ന്നു വന്നാല്‍
ഇഷ്ടക്കേടാവേണ്ട കാര്യമില്ല.
ഇഷ്ടതോഴന്നുമതില്‍ മെച്ചമില്ലേ?
ഇഷ്ടന്നു വിമ്മിഷ്ടമായിതെങ്കില്‍
കഷ്ടകാലം വന്നു ചേരുമിഷ്ടാ.
കഷ്ടകാലം വന്നു ദുഷ്ടനാവാന്‍
ഇഷ്ടാ നീ സമ്മതിക്കല്ലെയൊട്ടും.
No comments:
Post a Comment