പെണ്‍ ജന്മം

പെണ്‍ജന്മം:- പെണ്ണിന്നു ജന്മം നല്‍കല്ല പെണ്ണേ എണ്ണിയാല്‍ തീരില്ലതിന്‍റെ ദണ്ഡം. ഉണ്ണികള്‍ പിരിയുന്ന മുമ്പ് തന്നെ കണ്ണു വയ്ക്കേണമതിനായി പൊന്നേ. ആണിന്നൊരിക്കലും പിഴവ് പറ്റാ ആര്‍ക്കുമതറിയുന്ന കാര്യമല്ലോ! മങ്കമാര്‍ പോലും മങ്കയ്ക്ക് നേരെ ശങ്ക വേണ്ടാ തിരിയുന്ന കാലം! മിണ്ടാതിരിക്കലാണേറെ ഭേദം മണ്ടികള്‍ക്കറിയാത്തതിലാണ് ഖേദം. പെണ്ണിന്നു വേണ്ടി നിലകൊള്ളുമെന്നു പറയുന്ന കൂട്ടരും പൊള്ള് തന്നെ! പെണ്ണിന്നു പാതി സീറ്റെന്നു ചൊന്ന പണ്ടാര പരിഷകളുമെങ്ങു പോയി? നല്ല പാതിയെന്നു ചൊന്നു നിന്നെ മെല്ലെ മെല്ലെ കെണിയില്‍ കുടുക്കാന്‍ ആണിന്‍റെ വൈഭവമതൊന്നു വേറെ ആണുങ്ങളെല്ലാമറിയുന്ന കാര്യം. ഹൂറിയാം നീയെന്നു ചൊന്നവന്മാര്‍ പാറിപ്പറത്തുന്നു വാനിലൂടെ. കാര്യം കഴിഞ്ഞാല്‍ കറിവേപ്പ് പോലെ കാണിക്കും നിന്നെയവരെന്നതോര്‍ത്തോ! നിന്നെപ്പടച്ച തമ്പ്രാനു പോലും കൊന്നു തിന്നാന്‍ നിന്നെ മോഹമുണ്ടേ! എന്നുമേയുരുകീട്ട് നീറി നീറാന്‍ തന്നെയാം നിന്‍ ജന്മമെന്നറിഞ്ഞോ !

ഫെമിനിസ്റ്റ് {ഒരുമ്പെട്ടവള്‍}

ചുറ്റിക്കറങ്ങാനൊരു റങ്ക് വന്നു
പറ്റിയൊരുത്തന്‍റെ വാലില്‍ തൂങ്ങി
വല്ലിയൊരുത്തിയൊരു നാളിറങ്ങി
എല്ലാടവും പെണ്ണ് പോയുറങ്ങി
കൂട്ടാളികള്‍ പലരും കേട്ടറിഞ്ഞു
കൂട്ടുകാരും ചിലര്‍ പങ്കുവെച്ചു.
നാളുകള്‍ പലതും കൊഴിഞ്ഞു പോയി,
നാണവും പെണ്ണ് മറന്നുപോയി
കേളികള്‍, ലീലകള്‍ പലതുമായി,
കേറിയിറങ്ങി റിസോര്‍ട്ട് പലതും
അഞ്ചാറു മാസം കടന്നുപോയി,
മൊഞ്ചൊക്കെ വല്ലാതെ ചോര്‍ന്നുപോയി
പലവട്ടമെല്ലാരും വന്നു കേറി,
പുലയാട്ടു സ്ഥിരമാം പരിപാടിയായി.
ഒരു നാളിലൊരു മന്ത്രി വന്നു കേറി
ഹരമായി മൂപ്പര്‍ക്ക് ലീലയെല്ലാം.
കിട്ടി പുളിങ്കൊമ്പ് പിടിയിലെന്ന്
പെട്ടെന്ന് പെണ്ണും തിരിച്ചറിഞ്ഞു.
പ്ലേറ്റവള്‍ പെട്ടെന്ന് മാറ്റിവച്ചു
പീഡനം എന്നങ്ങവളാര്‍ത്തലച്ചു
മീഡിയക്കാരങ്ങതേറ്റു പാടി
നാടാകെ ഹീറോയിനിയായി മാറി
മന്ത്രീടെ പണി പോക്കുവാനുമിന്നു
തന്ത്രമറിയുന്നവളായി പെണ്ണ്.
സ്ത്രീശക്തിയെന്നുള്ള പേര് കേട്ടാല്‍
ശ്രീമൂലം തിരുനാളുമൊന്നു ഞെട്ടും.

അബ്സാര്‍ മുഹമ്മദും പശുവും

പശുവിനെ പോറ്റുന്ന പണിയുമുണ്ടോ?

പരിപാടി കണ്ടിട്ടെനിക്ക് തോന്നി.

പാവമാം റഹമാനിത് കണ്ട നേരം

പാലല്‍പം മോന്തുവാനൊട്ടു പൂതി.

പാതി വില വേണേല്‍ ഞാന്‍ തന്നിടാമേ

പൂതി തീരോളവും നല്‍ക വേണം.

പുല്ലും കുറുന്തോട്ടിവേരുമൊക്കെ

പള്ള നിറച്ചും കഴിച്ച പശുവാം.

പാലിതിന്നൌഷധ വീര്യമേറും

പാരിലിന്നാര്‍ക്കുമതില്‍ ശങ്കയില്ല.

പുന്നാര മോനല്ലെ തന്നിടാമോ?

പാല്‍ പാത്രമൊന്നിങ്ങു മോന്തുവാനായ്?

പോരിശയൊട്ടേറെ കിട്ടുമനിയാ

പൊന്നാനി മഖ്ദൂം കുടുംബമാണേ!

പൂപോലെ സ്വര്‍ഗ്ഗത്തില്‍ പോകുവാനായ്

പരിപാടി ഈസിയായ് ഞാന്‍ പറഞ്ഞു.

പിന്നാക്കം പോകുവാന്‍ തോന്നിയാലേ

പിന്നീടൊരവസരം കിട്ടുകില്ല.

പാരായ പാരിലെല്ലായിടത്തും

പോയിട്ട് മോനേ നീ കാര്യമോത്

പറയില്ലെതിര്‍വാക്കൊരു കുട്ടി പോലും

പറയാം ഞാന്‍ മുന്‍കൂട്ടി തന്നെ കാര്യം.

പോത്തിന്‍റെ പൃഷ്ടത്തില്‍ വേദമോതും

പോലെയിതാക്കേണ്ടബ്സാറ് മോനേ.

പിന്നെയും പറയുവാന്‍ കാര്യമുണ്ട്

പിന്നീട് കാണുമ്പോള്‍ ചൊല്ലിടാം ഞാന്‍.

താങ്ക്സിന്നു പകരം തേങ്ങ

താങ്ക്സിന്നു പകരമായ് തേങ്ങ നല്‍കൂ,

തേങ്ങയ്ക്ക് പകരമായ് കൊപ്രയാവാം. കൊപ്രയ്ക്ക് പകരമായ് എണ്ണയാവാം

കാശു തന്നാലും അത് സ്വീകരിക്കാം,

കന്നാസും കാശുമായ് മില്ലില്‍ ചെന്നാല്‍

കന്നാസ്സില്‍ എണ്ണ നിറച്ചു നല്‍കും.

എണ്ണയും കൊണ്ടങ്ങു വീട്ടില്‍ചെന്നാല്‍

പെണ്ണിന്നു സന്തോഷമേറെയാവും.

സന്തോഷം മൂത്ത് പെരുത്തു പോയാല്‍

സാമ്പാറും ചോറും റെഡിയാക്കി നല്‍കും

സാമ്പാറും ചോറും അകത്തു ചെന്നാല്‍

സായിപ്പിന് പിന്നീടുറക്കമാവും.

ഉറക്കത്തിലായാലും കവിത വിരിയും

ഉണരുന്ന നേരത്തത് കേട്ടിരിക്കാം.

കേട്ടിരിക്കാനേറെ ഇമ്പമായാല്‍

കാശു നല്‍കേണം അതിന്നു വേറെ.

എത്രയായാലും മണി പോരയെന്നു

സൂത്രത്തില്‍ ഞാനങ്ങ് ചൊന്നതാണേ.

ഗാത്രം നന്നാക്കുവാനല്ലെ കുട്ടാ?

പുഷ്ടിയായ് ഗാത്രം വളര്‍ന്നു വന്നാല്‍ ഇഷ്ടക്കേടാവേണ്ട കാര്യമില്ല.

ഇഷ്ടതോഴന്നുമതില്‍ മെച്ചമില്ലേ?

ഇഷ്ടന്നു വിമ്മിഷ്ടമായിതെങ്കില്‍

കഷ്ടകാലം വന്നു ചേരുമിഷ്ടാ.

കഷ്ടകാലം വന്നു ദുഷ്ടനാവാന്‍

ഇഷ്ടാ നീ സമ്മതിക്കല്ലെയൊട്ടും.

കുത്ത് റാത്തീബ്

കുത്ത് റാത്തീബ് പോലുള്ള കടുത്ത അനാചാരങ്ങള്‍ ഇന്നും പണ്ഡിത വേഷധാരികളുടെ കാര്‍മ്മികത്വത്തില്‍ പൂര്‍വ്വാധികം ശക്തി പ്രാപിച്ചു വരുന്ന കാഴ്ച നാം കണ്ടുകൊണ്ടിരിക്കുന്നു. നേര്‍വഴിക്ക് തെളിച്ചാല്‍ നേരെയാവുന്നലക്ഷണം കാണുന്നില്ല. അപ്പോള്‍ പിന്നെ പോവുന്ന വഴിക്ക് തെളിക്കാം അല്ലെ?


കുത്തുറാത്തീബെന്ന പുണ്ണിയ കാര്യമാണിതു ചെയ്യുവീന്‍
മുത്തു മുഹിയദ്ദീനവര്‍കള്‍ക്കിഷ്ടമാണിത് ചൊല്ലുവീന്‍.
പുത്തനാശയവാദികള്‍ക്കിത് ലേശവും രസിച്ചിടാ
ചിത്തമവരുടെയൊക്കെയും ശൈത്താന്‍റെ കൂടാണോര്‍ത്തിടാം.
പുണ്യ ശൈഖന്മാരെ കുറ്റം പറയുമക്കൂട്ടര്‍ക്കതാ
പൂതി തീരുവോളവും ജഹന്നമില്‍ പോയ് പാര്‍ത്തിടാം!
മാല മൗലൂദും വറാത്തീബൊക്കെയും വന്‍ കുറ്റമാ-
മെന്നു ചൊല്ലും മൗലവിമാരൊക്കെയും നരകത്തിലാം.
കാവലാളായ് സ്വര്‍ഗ്ഗവാതില്‍ക്കല്‍ ഇരിക്കും ശൈഖവര്‍
കാതില്‍ തൂക്കിയെടുത്തവറ്റയെ എറിയുമാ നരകത്തിലാം.
പുണ്യസ്വര്‍ഗ്ഗം പൂകുവാന്‍ കൊതിയല്‍പമുണ്ടേല്‍ ചെയ്യുവീന്‍
പുണ്യവാളന്മാര്‍ക്ക് മദ്ഹും പാടിയിട്ട്  രസിക്കുവീന്‍.
അല്ലാഹുവിന്‍ കൃപ നേടുവാന്‍ അല്ലാതെ മാര്‍ഗ്ഗമതില്ലെടോ
തെല്ലൊന്നു ചിന്ത കൊടുക്കുവീന്‍ നേരായ മാര്‍ഗ്ഗം പുല്‍കുവാന്‍.
അല്ലലില്ലാതെ സുവര്‍ഗ്ഗത്തില്‍ കഴിഞ്ഞു കൂടുവാന്‍
ഇല്ല മാര്‍ഗ്ഗം വേറെയൊന്നെന്നോര്‍ക്കുകില്‍ അത് നല്ലതാം!

അയിലപ്പൂതി:-

അയിലപ്പൂതി:- (പുതിയ വേര്‍ഷന്‍)

ചാറ്റിന്നു പോയ സുഹൃത്തൊരുത്തന്‍
നാറ്റിച്ച കഥ കേള്‍ക്കണമെന്ന് വേണേല്‍
ഊറ്റമായ് ഞാനിന്നത് പങ്കുവയ്ക്കാം.

പഞ്ചാര തിന്നാന്‍ കൊതിയേറെ മൂത്ത്
സഞ്ചാരമായവന്‍ ചെന്നു നിന്നു
കൊഞ്ചിക്കുഴഞ്ഞു അയലത്തെ വീട്ടില്‍.

തഞ്ചത്തില്‍ വീട്ടമ്മയോട് ചൊന്നു
കൊഞ്ചാണോ കറിയിന്നു പൊന്നു ചേച്ചീ?
തഞ്ചത്തില്‍ പയ്യന്‍ പറഞ്ഞു നിര്‍ത്തി.

അയിലയാണെന്നവള്‍ ചൊന്ന നേരം
അയില തിന്നാനാര്‍ത്തിയേറെ മൂത്തു,
അയിലയോടിഷ്ടമാണെന്നു ചൊല്ലി.

ചൊല്ലേണ്ട താമസം പെണ്ണ് ചൊല്ലി
പുല്ലേ നിനക്കെന്നെയിഷ്ടമെന്നോ!
'കൊല്ലും ഞാന്‍ നിന്നെ' ഉറഞ്ഞു തുളളി.

പയ്യനോ വിറ കൊണ്ടു നിന്നു തൂറി,
അയ്യേ അവനൊട്ടാകെ നിന്നു നാറി!
പയ്യന്‍റെ മീന്‍ പൂതിയൊക്കെ മാറി.

(Dear ones, without remembering that this was in the blog I put a new version in this. Now when I looked both of them I felt like not deleting either. Since both are purely the product of my imagination, I think I need not delete either. Let them lie there as such.(M A Rahman 4 Sept 2016)

ചണ്ടി നീക്കാന്‍ കൂട്ടയോട്ടം

ചണ്ടി നിറഞ്ഞത്‌ കണ്ടിട്ടതിനൊരു

കുണ്ടാമണ്ടി നിറഞ്ഞ മരുന്ന് രണ്ടത്താണി നിവാസികളയ്യോ

കണ്ടുപിടിച്ചത് പുതിയൊരു മാര്‍ഗ്ഗം!

രണ്ടും കല്‍പ്പിച്ചങ്ങോട്ടോടുക വീണ്ടും വീണ്ടും കൂട്ടത്തോടെ.

രണ്ടത്താണിയില്‍ ഇത്രയുമധികം

ചണ്ടികളടിയാന്‍ കാരണമെന്തേ?

കൂട്ടത്തോടെ ഓടിയകന്നാല്‍

കൂടുകയില്ലേ ചണ്ടികള്‍ പിന്നേം?

ചണ്ടികളിങ്ങനെ കൂട്ടിയിടുന്നോര്‍

തെണ്ടികളാണോ, മണ്ടന്മാരോ?

ഏതു ഗണത്തില്‍ പെട്ടവരെങ്കിലും

കാതില്‍ തൂക്കിഎടുക്കണമവരെ

ചിക്കന്‍ വെയ്സ്റ്റും പ്ലാസ്റ്റിക് ചവറുമ-

തൊക്കെക്കൊണ്ടും നാട് മുടിഞ്ഞു.

നാറ്റം മൂത്തതിലൂറ്റം കൊള്ളും

ചെറ്റകളവരുടെ തേറ്റ പിടിച്ച്

മാറ്റിക്കേണം, ഇപ്പണി മേലില്‍

ഏറ്റുകയില്ലാ പറയിക്കേണം.

ചണ്ടികളെല്ലാമവരെക്കൊണ്ട്

തോണ്ടിച്ചിട്ടിങ്ങോട്ട് വരേണം.

കോഴിപ്പാ്‍ട്സുകളെറിയും കൂട്ടര്‍

കോഴിക്കോട്ടും പലയിടമുണ്ടേ

എന്നൈട്ടിയില്‍ പോകും വളവില്‍

ഇന്നും നാറ്റമതുണ്ട് സുഹൃത്തേ

പലവുരുവാളുകള്‍ പതിയിലിരുന്നു

പിടിയില്‍ കിട്ടീട്ടില്ലയൊരുത്തനെ.

ഒളികാമറകള്‍ വയ്ക്കാമെന്നൊരു

പൊളിവാക്കാരോ പണ്ടു പറഞ്ഞു.

വാക്കാല്‍ വെടി പൊട്ടിച്ചാ കൂട്ടര്‍

തോക്കില്ലാതെ മടങ്ങിപ്പോയി.

ഓട്ടം നിര്‍ത്തിപ്പോകും മുന്നേ

ഓടി വരേണം ഇങ്ങും പൊന്നേ..

ഓട്ടം കൊണ്ടതകറ്റാമെങ്കില്‍

നേട്ടം നമ്മള്‍ക്കെല്ലാവര്‍ക്കും.