രചനാ പശ്ചാത്തലം: പെപ്സിയുടെ ഫാക്ടറിയില്‍ ജോലി ചെയ്തിരുന്ന ഒരു യുവാവ് തന്‍റെ സുഹൃത്തിന്‍റെ കൂടെ ഒരു ഹോട്ടലില്‍ കയറി. സുഹൃത്ത് കുടിക്കാന്‍ വേണ്ടി രണ്ടു പെപ്സിക്ക് ഓര്‍ഡര്‍ ചെയ്തു. അപ്പോള്‍ അതിഥിയായ സുഹൃത്ത് അത് നിരസിച്ചു. വളരെ നിര്‍ബ്ബന്ധിച്ചിട്ടും അയാള്‍ പെപ്സി കുടിക്കാന്‍ വിസമ്മതിച്ചു. ടിയാന്‍ പറഞ്ഞു, ഞാന്‍ ഒരിക്കലും പെപ്സി കുടിക്കാറില്ല' 'നിങ്ങളൊന്നും ഈ കാലത്ത് ജീവിക്കേണ്ടവനല്ല എന്ന് ആതിഥേയന്‍ പറഞ്ഞു. ആട്ടെ, എന്താണ് നിങ്ങള്‍ ഇത് കുടിക്കാത്തത് എന്നൊന്ന് പറഞ്ഞു തരാമോ? അപ്പോള്‍ ടിയാന്‍ ഇപ്രകാരം പ്രതിവചിച്ചു, സുഹൃത്തേ, ഞാന്‍ ഗള്‍ഫില്‍ പെപ്സിയുടെ ഫാക്ടറിയില്‍ ജോലി ചെയ്ത ആളാണ്‌. അവിടെ ഡ്യൂട്ടി ചെയ്യുമ്പോള്‍ ഗം ബൂട്ടും ഗ്ലൌസും ഇടണം. ഒരു ദിവസം അല്‍പ സമയം ഇവയൊന്നും ഇടാതെ ജോലി ചെയ്യേണ്ടി വന്നു. കൈകളിലും കാലിലും ഇതുണ്ടാക്കാന്‍ ഉപയോഗിക്കുന്ന കെമിക്കല്‍ പൌഡര്‍ പുരണ്ടു പോയി. വൈകീട്ട് താമസ സ്ഥലത്തു എത്തിയപ്പോഴേക്കും എന്റെ കൈകാലുകള്‍ പോള്ളലേറ്റ മാതിരി വ്രണമായിപ്പോയി. അപ്പോഴാണ്‌ എനിക്ക് ബോധ്യമായത് പെപ്സി എത്ര മാരകമാണെന്ന്. ഇത് കേട്ട പാടേ ആതിഥേയനും കുടിക്കാന്‍ തുടങ്ങിയ കുപ്പി ബേസിനില്‍ ഒഴിച്ചു കളഞ്ഞു. നമ്മുടെ മക്കളോടും പേരമക്കളോടും ഇതിന്‍റെയും നമ്മള്‍ ഉപയോഗിക്കുന്ന മറ്റു ബേക്കറി ഉത്പന്നങ്ങളുടെയുമൊക്കെ ദോഷവശങ്ങള്‍ പറഞ്ഞു കൊടുത്താലും അവര്‍ എതിര്‍ക്കും. ഇനി അനുഭവത്തില്‍ നിന്ന് പഠിക്കുക തന്നെ വേണ്ടിവരും ഈ സ്വഭാവം മാറണമെങ്കില്‍.
പെപ്സിയെ കുറ്റം പറഞ്ഞു പോയാല്‍
കുട്ടികള്‍ എന്നെക്കയര്‍ത്തു കേറും
അപ്സെറ്റായ് വാക്കുകള്‍ കേട്ട പാടേ
കുടിനീരിനിതിലേറെ മെച്ചമെന്ത്?
പെപ്സി കുടിച്ചു വളര്‍ന്നതല്ലേ
കുഞ്ഞായ നാള്‍ തൊട്ടു ഞങ്ങളെല്ലാം?
എന്നിട്ടും ചൊല്ലുന്നു നിങ്ങളെല്ലാം
പെപ്സിയീത് വിഷമാണതെന്ന് നിത്യം.
എല്ലുകള്‍ എല്ലാം ദ്രവിച്ചു പോകും
എന്നെല്ലാം നിങ്ങള്‍ പറഞ്ഞതല്ലേ?
എല്ലൊന്നുമില്ലാതെ പിന്നെ ഞങ്ങള്‍
എങ്ങിനെയിങ്ങനെ നൃത്തമാടും?
എന്നൊന്ന് ചൊല്ലാമോ നിങ്ങളിന്ന്
തെന്നിക്കളിക്കാതെ നിങ്ങളിന്നു?
ബഹുരാഷ്ട്ര ഭീമന്‍ അതെന്നു ചൊല്ലി
ബഹുദൂരം നിങ്ങള്‍ നടന്നതല്ലേ?
എന്നിട്ടും വാഴുന്നീ പെപ്സിയെന്നും
എജമാനനായിട്ടിന്നോളമായി.
അവസാനം മക്കള്‍ പറഞ്ഞു നിര്‍ത്തി
അച്ഛനാണെന്നൊന്നും നോക്കുകില്ല
മൂച്ചിപ്പിരാന്തങ്ങു മാറ്റിയേക്കും.
പെപ്സിയെ കുറ്റം പറഞ്ഞു പോയാല്‍
കുട്ടികള്‍ എന്നെക്കയര്‍ത്തു കേറും
അപ്സെറ്റായ് വാക്കുകള്‍ കേട്ട പാടേ
കുടിനീരിനിതിലേറെ മെച്ചമെന്ത്?
പെപ്സി കുടിച്ചു വളര്‍ന്നതല്ലേ
കുഞ്ഞായ നാള്‍ തൊട്ടു ഞങ്ങളെല്ലാം?
എന്നിട്ടും ചൊല്ലുന്നു നിങ്ങളെല്ലാം
പെപ്സിയീത് വിഷമാണതെന്ന് നിത്യം.
എല്ലുകള്‍ എല്ലാം ദ്രവിച്ചു പോകും
എന്നെല്ലാം നിങ്ങള്‍ പറഞ്ഞതല്ലേ?
എല്ലൊന്നുമില്ലാതെ പിന്നെ ഞങ്ങള്‍
എങ്ങിനെയിങ്ങനെ നൃത്തമാടും?
എന്നൊന്ന് ചൊല്ലാമോ നിങ്ങളിന്ന്
തെന്നിക്കളിക്കാതെ നിങ്ങളിന്നു?
ബഹുരാഷ്ട്ര ഭീമന്‍ അതെന്നു ചൊല്ലി
ബഹുദൂരം നിങ്ങള്‍ നടന്നതല്ലേ?
എന്നിട്ടും വാഴുന്നീ പെപ്സിയെന്നും
എജമാനനായിട്ടിന്നോളമായി.
അവസാനം മക്കള്‍ പറഞ്ഞു നിര്‍ത്തി
അച്ഛനാണെന്നൊന്നും നോക്കുകില്ല
മൂച്ചിപ്പിരാന്തങ്ങു മാറ്റിയേക്കും.
വളരെ നല്ല ഇൻഫർമേഷൻ,
ReplyDeleteതാങ്കൾ പോസ്റ്റിൽ പറഞ്ഞ കഥ എന്റെ ക്ലാസുകൾക്കായി അനുമതിയില്ലാതെ കടമെടുക്കുന്നു...