Thursday, August 27, 2015

മാവേലിയും സിങ്കിയോ?

മാവേലിയെ കാത്തു നിന്നുനിന്ന്
മാലോകരെല്ലാം കുഴഞ്ഞുവല്ലോ
വിഷമേറും സാമ്പാറും സദ്യ കണ്ടു
വിഷയം മറന്ന പോല്‍ മുങ്ങി മൂപ്പര്‍.
വേതാളര്‍ നാടു ഭരിച്ചിടുമ്പോള്‍
പാതാളമൊട്ടേറെ മെച്ചമല്ലോ.
ഇക്കൂട്ടരേക്കാളൊട്ടേറെ ഭേദം
നാല്‍ക്കാലിക്കൂട്ടമതെന്നു തിട്ടം.
കളളവും ചതിയുമല്ലാതെയൊന്നും
കളളപ്പഹയര്‍ക്കറിഞ്ഞു കൂടാ.
സരിതയില്‍ നീന്തിക്കളിക്കയല്ലോ
ഭരണം നടത്തുന്ന കൂട്ടരെല്ലാം.
കോഴയും കോഴിയും തിന്നു തിന്ന്
വാഴുന്നുളുപ്പൊട്ടും തീണ്ടിടാതെ.
മോണോ റെയിലെന്നേറെ പാടിയിട്ട്
വേണോ റെയിലെന്നാക്കി വിട്ടു കൂട്ടര്‍
മെട്രോയെന്നവസാനം പേര് മാറ്റി
വിഡ്രോവലാക്കീട്ട് മുങ്ങി പിന്നെ.
ഉണ്ടയൊന്നങ്ങു പൊട്ടിച്ചു വിട്ടു
ഉണ്ടാക്കാം ലൈറ്റ് മെട്രോ സൂപ്പറൊന്ന്.
ലൈറ്റിന്‍റെ ആപ്പീസ്സും പൂട്ടിയിട്ട്
ലെയ്റ്റായി ശ്രീധര്‍ജി കെട്ടുകെട്ടി.
എണ്ണിപ്പറയുകില്‍ കാര്യ വ്യാപ്തി
വിണ്ണിലൊതുങ്ങുക പോലുമില്ല.

No comments:

Post a Comment