ചെറിയ തട്ടിപ്പും വലിയ വെട്ടിപ്പും

കോടികള്‍ വെട്ടിച്ച് ജുവലര്‍ മുങ്ങിയെന്ന വാര്‍ത്ത കേട്ട പാടെ സുഹൃത്ത് ചൊന്നു സാരമില്ലാ മോനേ. പട്ടിണിപ്പാവങ്ങളുടെ ചട്ടിയില്‍ കയ്യിട്ടു തുട്ടുകള്‍ വാരിയെടുക്കും മന്ത്രിയേക്കാള്‍ ഭേദം. മന്ത്രിയെന്നാല്‍ കള്ളനല്ലേ തന്ത്രിയെപ്പോല്‍ കുഞ്ഞേ,

തന്ത്രമവനില്‍ സകലതും ഉണ്ടെന്നതും അനിഷേധ്യം..

ബാങ്ക് വെട്ടിപ്പും സകല മാതിരി വെട്ടിപ്പും

സാധുവാക്കാന്‍ മേല്‍പ്പറഞ്ഞത് ന്യായമല്ലാ കേട്ടോ.

കട്ടു കൊണ്ടുവന്ന മുതലും വാങ്ങലും വന്‍ കുറ്റം

ഇട്ടുതന്നതല്ലെ മുസ്ല്യാര്‍ ഓത്തുപള്ളീലന്നു?

പൊന്നിനോടുള്ള ഭ്രമം നമ്മള്‍ക്ക് വമ്പന്‍ നാശ-

മെന്നുമുള്ള കാര്യവും മൊളിന്തതല്ലേ  വേദം?

പൊന്നു കിട്ടാതെ മനുഷ്യര്‍ പെണ്ണ് കെട്ടുകയില്ല-

യെന്നതായി മാറിയില്ലേ കാലഗതിയെന്നോര്‍ക്ക്

കൂരയില്‍ കിടന്നു പെണ്‍മക്കള്‍ കരയും കാഴ്ച

ആരെയും പറഞ്ഞറിയിക്കേണ്ടതില്ലാ പൊന്നേ.

പട്ടിണിപ്പാവങ്ങളായ വീട്ടുകാര്‍ക്കും പിന്നെ

നാട്ടുകാര്‍ക്കുമൊക്കെ പെണ്ണൊരു ഭാരമാവുകയില്ലേ?

പെരിയ ആദര്‍ശം വിളമ്പിയ മൌലവിമാര്‍ക്കൊന്നും

തീരെ കയറുകയില്ല കാര്യമിതുള്ളിലേക്ക്. തന്നെ

മാല മൌലൂദുമതെല്ലാം പാപമാണ്, പക്ഷെ

ആലമിന്നിക്കോലമായതു കണ്ടതില്ലാ പൊന്നേ

തൊപ്പി താടിയും വഹിച്ച് നടനമാടും മൌലാ-

മൂപ്പരടിയില്‍ മുണ്ടുടുക്കാന്‍ വിസ്മരിക്കും. കണ്ടോ