പല ജാതി വേലകളൊക്കെയും കാണിക്കും,
വലയില്‍ കുടുക്കും നമ്മളെ ഫെയ്സ്ബുക്ക്.
സകല പിശാചും വന്നിതില്‍ നിവസിക്കും
സകലത്തിനേം എടങ്ങേറിലാക്കും നോക്ക്.
വല്ലാത്ത പുലിവാലാണിതിന്‍ പൊല്ലാപ്പ്
തെല്ലൊന്നുമല്ലിത് കൊണ്ടുവന്ന ഹലാക്ക്‌!
നേരായവണ്ണം വഴി നടക്കും മര്‍ത്യരെ
വേരോടെ പിഴുതിത് നാശമാക്കും മക്കളേ!
ശൈത്താന്‍റെ പൃഷ്ടത്തില്‍ മുളച്ചീ ബുക്ക്
ശൈഥില്യമാക്കും സകലതും സൂക്ഷിക്ക്!
ഇതുപോലെയുള്ള ബലാല് നേരംകൊല്ലി
ചിത തന്നെ നമ്മള്‍ക്കിവനൊരുക്കുകയില്ലേ?
പ്രച്ഛന്ന വേഷം പൂണ്ടു വരുമിബിലീസ്സ്
സ്വച്ഛതയൊക്കെ തകര്‍ത്തവന്‍ മുങ്ങീടും,
കരുതീട്ട് കൈകാര്യം നടത്തുകില്‍ നല്ലതാം
വരുതീല്‍ നിറുത്താന്‍ വൈഭവം ഉണ്ടെങ്കില്‍.
No comments:
Post a Comment