മാവേലി മന്നന്‍റെ വരവും കാത്തു
മാലോകരെല്ലാം കുഴഞ്ഞു വീണു.
പിന്നെയറിഞ്ഞങ്ങേര്‍ വന്നു പോയി!
ഉന്നതന്മാരെല്ലാം കൈക്കലാക്കി,
മിന്നി മറിഞ്ഞവര്‍ ചാക്കുമായി!
ഒന്നായടന്തുവാന്‍ കൊണ്ടുപോയീ!
അമ്പിളിക്കീറ് കിണറ്റില്‍ കണ്ടു
വമ്പന്‍ തേങ്ങാപ്പൂളാണെന്നു തോന്നി
കുമ്പ നിറച്ചുള്ള പൂച്ചയെപ്പോല്‍
കുമ്പ നിറച്ചുള്ള പൂച്ചയെപ്പോല്‍
അമ്പേ വിഷണ്ണനായ് നിന്നുപോയീ
തുമ്പില്ലാതായല്ലോ കാര്യമെല്ലാം!
വമ്പനാം മാവേലീം പറ്റിച്ചല്ലോ!
കൊല്ലാതെ കൊല്ലുന്ന ആളു തന്നെ
വല്ലാത്തീ മാവേലിയെന്‍റെ പൊന്നേ!
എല്ലു മുറിയെ ഞാന്‍ പണി ചെയ്തിട്ടു
എല്ലാമൊരുക്കി വിളമ്പി വെച്ചു
പുല്ലും വില പോലും കല്‍പ്പിക്കാതെ
വല്ലാത്ത പഹയന്‍ നടന്നു നീങ്ങി!
No comments:
Post a Comment